Құрметті жігіттер!!!

Сіздерді 7 мамыр - Отан қорғаушылар күні мерекесімен шын жүректен құттықтаймыз! Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз. Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

 Аудандық "Бүлдіршін - 2019" мектепке дейінгі балалардың   шығармашылығы байқауында ІІІ орын алғаны үшін вокал жанрында   Нұрбекұлы Арлан, ал көркем сөз жанрында ІІІ орынға Берекелі Ясмина   марапатталды.

                                         Құттықтаймыз!!!

Біздің ауданға 5 сәуір күні Білім және ғылым министрі Күләш Шәмшидинова ат басын тіреді. Сапар барысында ауданымыздың бірқатар білім ордаларын аралап, өңіріміздің білім ошақтарының басшылары мен ұстаздар қауымымен кездесті.  Қ.Оспанова атындағы № 3 орта мектебіне барып, ІТ сыныбының жалпы жұмысын бағалап, бағдарламалау мен робот техникасын тереңдетіп оқытудың маңыздылығын атап өтті. Ұстаздар қауымымен тілдесу кезінде сынып журналын толтыруда сандық технологиялардың артықшылықтарына тоқталды. Аудандағы білім ошақтарын аралаған министр облысымыздағы білім беру мекемелерінің деңгейіне оң бағасын берді.

Құрметті әріптестер! Қазақстан Республикасының тұңғыш Президенті күнімен құттықтаймыз! Жаңа тәуелсіз мемлекеттің іргетасын қалаушы Нұрсұлтан Назарбаев – барлық қазақстандықтар және халықаралық қоғамдастық мойындаған ғаламдық бастамалардың бастаушысы, отандастарымыздың құқықтары мен бостандықтарының қорғаушысы, елді кемел келешекке жетелейтін игі істердің қолдаушысы. Мемлекетімізге одан әрі өрлеу мен өркендеу, әрбір қазақстандыққа – мол табыс, бақ - дәулет тілейміз!
«Елі еріне, ері еліне» сенген еліміз бен Елбасымыздың мәртебесі әлем елдері алдында мәңгілік биіктей берсін!
Мемлекеттілік тарихымыздың мерейлі мерекесі - Тұңғыш Президент күні құтты болсын!
Баршаңызға мерекелік көңіл - күй, жанұялық бақыт, игілік, табыс тілеймін!