Құрметті достар!
Сіздерді 22 наурыз Ұлыстың Ұлы күні Наурыз мерекемізбен баршаңызды құттықтаймыз!!! Жаңа Жыл от басымызға жақсылық, дастарханымызға құт-береке алып келсін!!! Жан ұянызга тыныштык және бакыт тілейміз табыстарыңызга жұмыстарыңызга жеміс , наурыз амандық, қуаныш, жақсылық әкелсін!

Көктем жылуы мен өмір қуанышын тілеймін!

Мықты денсаулық пен ұзақ өмір, құшақ толған гүл мен ықылас тілейміз!

Игі тлекпен мектеп ұжымы

Наурыздың он тоғызы күні бастауыш және  5-11 асыныптар арасында «Наурыз-жыл басы» атты мерекелік ертеңгілік болып өтті.                          Мақсаты: Оқушыларды оқушыларына ұлттық салт – дәстүрді таныстыру. Қазақтың ұлттық өнерінен, мәдениетінен тәлім – тәрбие беру. Ұлтжандылыққа, әдептілікке тәрбиелеу. Сахнада, көпшілікте өзін – өзі ұстауға дағдыландыру. Қазақ халқының салт-дәстүрлерін құрметтей білуге тәрбиелеу.

  Бұл ертеңгілікте оқушылар Ұлыстың ұлы күніне арналған жыр-шумақтарын жатқа айтып, би билеп, ән салып өз өнерлерін ата-аналарымен ұстаздарына көрсетті. Ұстаздардың ұйымдастыруымен шағын көрініс көрсетілді.

1-4 сыныптар ата-аналарының қатысуымен наурызға арналған мерекелік дастархан жайылып, наурыз көже де таратылды. Дастарханға қазақтың ұлттық тағамдарының барлық түрлері жасалынып қойылды. Және де наурыз мерекесіне орай қабырға газеттері де шығарылды. Мереке соңында ақ жаулықты әжелеріміз өз баталарын беріп, шашу шашты.Ұлыстың ұлы күніне арналған мерекеге бастауыш сынып мұғалімдерімен барлық оқушылары белсенді түрде атсалысты.

Қ.Оспанова атындағы № 3 ЖББО мектебінде 10-15 наурыз аралығында  қазақ тілі мен әдебиет пәндерінің апталығы өтті. Апталыққа 5-10- сынып оқушылары белсенді қатысты.

11.03.2014 жылы 5-7- сынып оқушылары арасында  «Білім жәрмеңкесі» сайысы өтті. Бұл сайыста оқушылардың логикалық ойлау қабілеттері және шапшаңдық қасиеттері сынға түсті.

12 наурыз күні 6 «а» және 6 «ә»-сынып оқушылары арасында «Жұлдызды сәт» сайысы өткізілді. Сайыс «Іріктеу», «Ереже білгірі», «Әдебиет әлемі», «Тапқыр» кезеңдерінен тұрады. Әр кезеңнен сүрінбей өтіп, жеңіске қол жеткізген Сапан Сәттігүл болса, ІІ орынды Оралов Сәрсен, ІІІ орынды Бари Үкіжан иеленді.

                            Математика, физика және информатика пәндер  апталығының іс-шаралар  қортындысы бойынша 10 наурыз күні жүлдегерлер арнайы сыйлықтармен, мақтау қағаздарымен марапатталды.