2018 жылдың 27 ақпан күні «Алғыс айту күніне» орай 3 сыныптар арасында «Алғысым шексіз...» атты сайыс өткізілді. 

Сайыстың мақсаты  «алғыс күні» ұғымының мағынасын ашу, мәдени құндылықтар мен адами қарым-қатынасын қалыптастыру; шығармашылық қабілеттерін, мәдени және этникалық төзімділік пен іскерліктерін дамыту болды. 

 Сайысқа 3 сыныптардан 6 оқушы құрамында 3 топ қатысты. Әрбір сайысты әділ бағалайтын әділ қазылар алқасы құрамына мектептің кітапханашысы Ляйля Мукушева, логопедіміз Жанбота Асылбек және мектебіміздің белсенді оқушымыз Елжас Назымбеков болды. Сайыс 4 кезеңнен құрылды. Көңілді жұмбақтар, қызықты сөз жұмбақтар және ребустар арқылы өтті. Әрбір сыныптың тобы белсенді қатысып, өздерінің шығармашылық қабілеттерін, білімдерін көрсетті. Әділ қазылар алқасының қорытындысы бойынша І орынға – «Қыран» тобы (3 ә сыныбы), ІІ орынға – «Барыс тобы» (3 а сыныбы) және ІІІ орынға – «Сұңқар тобы» (3 б сыныбы) иеленіп, барлық топтар мадақтама қағаздармен марапатталды.

Елбасымыз Нұрсұлтан Назарбаевтың Қаулысымен «1 наурыз – Алғыс айту» күні болып бекітілді. Өзге атаулы күндер секілді бұл мерекенің де өзінің тарихтан тамыр тартқан жөн-жобасы, өмірлік мән-маңызы бар.«Қазақстан халқы Ассамблеясының құрылған күнінде 1 наурызда барлық ұлттың бір-біріне және осы адамдарды қабылдаған, аяушылық білдірген қазақтарға алғыс айту күні деп белгіленсе әділетті болар еді», - деген еді Елбасы. Міне, осы ізгі ниет баянды бастамаға ұласып, Алғыс айту күні мерейлі мерекелер қатарынан орнықты орнын алып, еліміздің әрбір бұрышында аталып өтеді.

Біздің мектебімізде шеттен қалмай, 2018 жылдың 26 ақпанынан бастап «1 наурыз – Алғыс айту» күніне орай мектебімізде жоспар бойынша біршама іс – шаралар ұйымдастырылды. 26 ақпан күні мектебіміздің кітапханашысы Л. Мукушева «Біз ризамыз саған, Қазақстан!» атты кітаптар көрмесін ұйымдастырды. Көрменің мақсаты - Туған елге ризашылығын, жерге деген сүйіспеншілігін арттырып, патриоттық сезімін ояту. Болашаққа нық сеніммен қарап, еліміздің болашағы өздері екенін сезінуге, жақсы азамат болып қалыптасуға қазірден өздерін дайындауға ықпал жасау. Оқушылар көрмедегі кітаптармен танысып, ой бөлісіп бір-біріне алғыс айтып келе жатқан мерекеге жылы лебіздерін білдірді. 27 ақпан күні тәлімгер М. Абильдинованың ұйымдастыруымен 3 сынып оқушылары арасында «Алғысымыз шексіз...» атты топтық сайыс өтті.

Астана қаласының 20 жылдық мерейтойы аясында, «Рухани жаңғыру» бағдарламасын жүзеге асыру мақсатында, Қазақстан Республикасының Тәуелсіздік күні қарсаңында Қ. Оспанова атындағы №3 орта мектебінің 5-6 сыныптың қыздарының ұйымдастыруымен «Деловой» сауда орталығында өздерінің «Алға, Қазақстан!» атты флешмобымен тереңкөлдіктерді келе жатқан мерекемен құттықтады. Барлық оқушылар белсенді қатысып, тереңкөлдіктерді өздерінің өнерлерімен таң қалдырды. Сауда орталығының қызметкерлері оқушыларға ізгі тілектерін білдіріп, жиі келіп тұруларына ұсыныс жасады.

2018 жылдың 15 ақпан күні аудандық мәдениет үйінде «Афганский ветер» атты ауған соғысына қатысқан ардагерлермен кездесу өткізілді. Кездесудің мақсаты – оқушылардың бойына Отанымызға, Туған жерімізге, елімізге деген патриоттық сезімдерін дарыту еді. Кездесуде мәдениет үйінің әншілері өздерінің өнерлерімен оқушыларды және қонақтарды таң қалдырды. Серік Шаймарданұлы ауған соғысының қатысушысы оқушыларға қатыгез соғыс жылдары туралы баяндап, елімізде, жерімізде, бүкіл әлемде әрқашанда бейбітшілік болсын деп айтты.

Мектебіміздің тәрбие ісі жөніндегі директордың орынбасары Д. Баймуханова кездесуге қатысқан қонақтарға өзінің жылы лебізін білдіріп, ардагерлерімізге жеріміздегі бейбіт өмір үшін, сонымен қатар кездесуді ұйымдастырушы мәдениет үйіне алғысын білдірді. Кейін кездесуіміз естелік фотосуретке түсумен аяқталды.