Маусымның 17 жұлдызында алғаш мектеп табалдырығын аттағаннан бері 11 жыл уақыт өз мәресіне жеткен күн. Бұл күн – мектеп тарихында, мектеп бітіруші түлектер есінде мәңгі қалатын күн болғандықтан Қ.Оспанова атындағы №3 ЖОББ мектебінде мәжіліс залында түлектер мен ата – аналарға арналған аттестат беру кешін ұйымдастырып, мектеп директоры Ж.Т.Касимова мен алғащқы ұстаздары, ата-аналары жаңа өмірге аттағалы тұрған түлектерімізге жылы лебіздерін білдіріп, концерттік шарамен жалғасты. Мерекелік шара аудандық мәдениет үйінің өкілі Марен Ахметовамен мен оқушылар үйімен және балалар үйімен бірге тығыз қарым қатынаста ұйымдастырылды. Бастами Қадыр, Уралова Гульзада, Айтжанова Арайлым, Исмаилова Дананың орындауында мектеп ұжымына, ата-аналарға музыкалық сәлемдемемен өз лебіздерін білдірді. Сонымен қатар концертімізде кішкентай қонақтарымыз келіп, трио «Домисолька» және Багаева Медина сәттілік тілеп, ақ жол тіледі. Ұстаздар ұжымының атынан Тембаев Талғат Бауыржанұлы ән шашуын тарту етті. 

Кейін Ертіс жағалауында ұйымдастырылған мерекелік концертпен  жалғасып, мектебіміздің тарихында бірінші рет ҰБТ қорытындысы бойынша барлық 125 баллды жинаған Исмаилова Дана аудан әкімінің құттықтауы мен планшет сыйлығына ие болды. 

Қатша Оспанова атындағы №3 жалпы білім беретін орта мектебінің 2015-2016 оқу жылының ұлттық бірыңғай тестілеу 4 маусым 2016 жылы өтті.

Оқушылар нәтижесі төмендегі кестеде:

Мектебімізден 29 оқушы  тапсырды. Тестілеу нәтижесі бойынша орташа балл 91,5 ұпай алды. Сонымен қатар 100 балдан жоғары жинаған оқушылар саны-14. Исмалова Дана оқушымыз 100пайыз тапсырып, 125 балл жинады.

Жазылмаған ақ қағаздай болып балабақшаға келген бүлдіршінге білім мен тәрбие беріп, мектепке шығарып салуда тәрбиешілердің еңбегі өлшеусіз. Міне, биыл да көптеген балабақша кішкентайынан мәпелеп өсірген түлектерін ақ жол тілеп, мектепке шығарып салу рәсімін өткізуде.
2016 жылдың 20 мамыр күні Қ.Оспанова атындағы №3 ЖББОМ тәрбиешілерінің ұйымдастыруымен мектепалды даярлық топтарында да «Қош бол, даярлығым» атты ертеңгілігі өзіндік қызықтылығымен ерекшеленді. Бір жыл бойы мектепалды даярлық тобында тәрбиеленіп, білім нәрімен сусындап, оң, солын танып, білім жолына қадам басқалы отырған бүлдіршіндеріміз осы кезеңге дейін алған білімдерін, өнерлерін ортаға шығып көрсетіп, ата – аналарын қуанышқа бөледі. Ертеңгілікті мектеп директорының орынбасары Ж.С. Жумабекова ашып, ата – аналармен бүлдіршіндерге өзінің жылы лебізін білдірді.

Қадамдарың құтты болсын, жас бүлдіршіндер!

Қ.Оспанова атындағы №3 жалпы білім беретін орта мектебінде «Білім сапасын арттырудың өзекті мәселелері» атты тақырыпта мектепішілік айлық семинарлар өткізді. Семинарды өткізудегі мақсат - оқушылардың білім сапасын көтеру төңірегінде педагогтермен ой бөлісу. Сонымен қатар, пән мұғалімдеріне әдістемелік көмек беру, шеберліктерін шыңдау, жас мамандарда оқытудың жаңа технологиялары туралы түсінік қалыптастыру,ата-аналарды мектеп өмірімен ақпараттандыра отырып ортақ шешім қабылдауға тарту, озық тәжірибелерді әріптестермен ой бөлісе отырып, мақсатты нәтижеге жету жолдарын үйрету көзделді.

Коучинг семинарда пән мұғалімдері , мектеп әкімшілігі, ата-аналар, жас мамандарға, курстан өтпеген фокустық топтармен жеке - жеке жоспар бойынша жұмыс жасалып білім сапасы төмен сыныптарға деңгейлік курстардан өткен мұғалімдер ашық сабақ ұйымдастырып өткізді.